A patronal boirense (ABE) organiza unha edición dobre da súa Noite Aberta este venres 24 e sábado 25 de novembro. Segundo explicou a dirección da asociación de empresarios, os principais ingredientes desta actividade serán os descontos, os sorteos, os agasallos e as actividades nas rúas con música e obradoiros infantís. Tamén haberá música en directo (Djs) e degustacións, entre outras actividades. A Noite Aberta é un xeito de acurtar a distancias entre o comercio de proximidade e a cidadanía, favorecendo con actividades de lecer, descontos e regalos a fidelidade, a sustentabilidade e as compras locais.
Até 31 negocios participarán nesta iniciativa con incorporación de novos sectores como alimentación, florería e incluso un taxi que ofrecerá descontos nas súas carreiras.
Os negocios estarán sinalizados con globos rosas elaborados para a ocasión e repartirán piruletas de cereixa entre os clientes.
Sorteo presencial de 1000€
A novidade desta edición e a posibilidade que teñen os clientes que realicen as súas compras durante a fin de semana de participar nun sorteo presencial de 1.000€ en bonos ABE.
Será un premio para unha única persoa e sortearase ata que un dos presentes sexa agraciado.
Segundo explica a ABE, “participar é moi sinxelo, soamente deberemos realizar unha compra en calquera dos negocios participantes e trocar o tícket na jaima instalada na rúa peonil por 1 rifa para o sorteo”.
Cada compra de mais de 10€ dará dereito a unha participación no sorteo.
O horario para cambiar os tíckets por rifas é venres e sábado de 18:30 a 20:30 hs e o sorteo
presencial será o sábado 25 ás 21:00 hs na propia jaima.
Actividades infantís
No dito recinto cuberto da ABE os cativos da casa poderán participar en obradoiros de tatuaxe e globoflexia e haberá música, piruletas e globos para os que a visiten.
O horario das actividades infantís coincidirá cos de cambio de tíckets venres e sábado de 18:30 a 20:30 hs.
Animación de rúa e 25 N
O sábado, o concello de Boiro programará diferentes actividades con motivo do 25N entre elas destaca unha charanga composta exclusivamente por mulleres que animará as rúas da localidade durante a tarde do sábado.
Ademais nos comercios organízanse diferentes actividades especiais que se poden consultar, xunto cos descontos e o resto do programa tanto na web da ABE, www.abe.gal, coma nas redes sociais.
A Noite Aberta de Boiro conta coa colaboración do Concello de Boiro e está co-financiada pola Xunta de Galicia.
