A Mancomunidade convida aos establecementos a anotarse ata o día 25 de outubro. O concurso contará cun amplo número de agasallos mediante “rasca e gaña”
A Mancomunidade Barbanza Arousa prepárase para a Ruta de Tapas da comarca cun amplo número de agasallos mediante o formato “rasca e gaña”, que convidará aos participantes a degustar as tapas no maior número posible de establecementos. Esta edición terá lugar no mes de novembro, comezando cos días 3, 4 e 5 en Rianxo, os días 10,11 e 12 en Ribeira, o 17,18 e 19 en Boiro e rematando os días 24, 25 e 26 na Pobra do Caramiñal.
As empresas que queiran formar parte poden poñerse en contacto nos correos electrónicos info@barbanzarousa.gal ou info@somosenredos.com así coma no teléfono 633 84 57 08, tanto a
través de chamada como de whatsapp.
