O Concello de Boiro pon a disposición da veciñanza un autobús a Santander para presenciar o partido do CD Boiro contra o Monte para o pase a Copa do Rei o vindeiro 12 de outubro. As prazas son limitadas e as inscricións poden facerse no Departamento de Deportes do Concello de Boiro.
O autobús sairá ás 9.00 horas da parada da Cachada para chegar ao partido que se disputa ás 18.00 horas e o regreso será ao rematar o partido. A reserva de praza no autobús inclúe a reserva de entrada, que terá un prezo de 10 euros e que se aboarán no momento de recollida das entradas.
