Para asistencia médica nos centros de saúde, realizar trámites ou desprazamentos a actividades de ocio, os maiores galegos ou residentes en Galicia maiores de 65 anos que usen o transporte interurbano terán este de balde.
Así o anunciou este mércores o presidente da Xunta, Alfonso Rueda. A medida, que será aprobada no Consello da Xunta deste xoves, beneficiará teóricamente a máis de 700.000 persoas maiores de 65 anos que poderán dispor dun bono que lles permitirá viaxar gratuitamente en autobuses interurbanos a partires do 1 do vindeiro mes de xaneiro. O número de usuarios desta franxa de idade, dotados do Carné +65, estímase en 50.000, segundo as previsións da Xunta, que se sumarán aos usuarios máis xoves de 25 anos que, mediante o Carné Xove, tampouco aboan polo mesmo tipo de desprazamento. Ambos os dous gastos estarán incluídos nos orzamenton da Xunta do vindeiro ano.
Deste xeito, entre os maiores de 65 anos e os menores de 25 cuxas viaxes interurbanas en autobús se subvencionen mediante a presentación dos devanditos carnés +65 e Xove, serían aproximadamente unhas 450.000 persoas e 160.000 usuarios se ben os posibles usuarios -en cifras da Xunta- poderían superar o millón cen mil persoas, máis do 40% do censo total de habitantes da Comunidade Autónoma.
O presidente do goberno galego tamén anunciou outro tipo de axudas ao colectivo de maiores de 65 anos e menores de 25. Por exemplo, o abono de 5.000 euros anuais ás persoas con dependencias coidadas no seu domicilio (unhas 18.500), ou os 1.200 euros complementarios para seren atendidos en residencias.
Máis nada coñecerse estas previsións do goberno de Galicia, sendo ben acollidas polos afectados, tamén recibiron críticas que fan fincapé na importancia que para o PP -que goberna con maioría absoluta na comunidade galega- ten a convlcatorioa de eleccións autonómicas o ano que ven.
