A veciñanza de Dodro poderá participar este sábado 14 de outubro nunha excursión ao santuario de San Andrés de Teixido, grazas á iniciativa do Departamento de Servizos Sociais. A saída será ás 8 da mañá e a volta ás oito e media da tarde. As inscricións estiveron abertas até este luns 9 de outubro a través da sede electrónica de Dodro, pero é posíbel solicitar máis información a través do teléfono 981 802 466. A excursión inclúe visitas aos cantís de Vixía Herbeira, ao santuario de Santo Andrés, ao Museo Mares de Cedeira e ao Fortín da Concepción.
