A concelleira de Ensino de Boiro, Carmen Silva, participou este luns 9 de outubro na inauguración da exposición Vida e obra de Francisco Fernández del Riego e que se poderá visitar durante o mes de outubro na Casa da Cultura de Boiro. A mostra está realizada polo alumnado de plástica do IES A Cachada e recolle a vinculación do autor homenaxeado nas Letras Galegas con Boiro.
A mostra está composta por diversos paneis elaborados polo alumnado de plástica de distintos cursos que recollen aspectos importantes da vida do autor como o seu activismo político, a súa obra, a súa relación coa lingua galega ou a súa vinculación con Boiro a través da figura de Ramón Martínez López.
Na inauguración da mostra, que se poderá visitar durante todo o mes de outubro na Casa da Cultura de Boiro, estiveron tamén profesorado e alumnado do centro.