Ao abeiro das XXV Xornadas de Homenaxe a Valle-Inclán, no sábado 28, ás 12.00 horas, estrearase na Sala de Iconografía Contemporánea do Museo Valle-Inclán a mostra Locus amoenus. Obxectos persoais do escritor, da colección de Xaquín del Valle-Inclán Alsina.
Posteriormente, ás 12.30 horas, a acción desprazarase ao Cantón da Leña co acto conmemorativo da nacenza de Valle-Inclán coa tradicional ofrenda cívica e o concerto da Banda de Música Ateneo Musical da Pobra do Caramiñal.
Ao acto asistirán membros da corporación municipal baixo a presidencia do alcalde, José Carlos Vidal, e da concelleira da Cultura, Patricia Lojo; o director xeral da Cultura, Anxo M. Lorenzo; o director do Museo Valle-Inclán, Antonio González; e o investigador Xaquín del Valle-Inclán Alsina.
Estas actividades forman parte da XXV edición das Xornadas de Homenaxe a Valle-Inclán, impulsadas polo Concello da Pobra e o museo local que leva o nome do insigne escritor. Achegamos o programa ao completo a continuación:
