A Xunta eliminou un punto de vertido de augas residuais ao rego do Porto, no concello de Noia.
Esta achega irregular foi localizada no marco das inspeccións rutineiras de seguimento levadas a cabo polos técnicos do Programa de Control de Vertidos, dependente de Augas
de Galicia, no ámbito territorial da Demarcación Hidrográfica Galicia-Costa. Os técnicos da Xunta desprazados á zona, localizaron a orixe da afección na rede de
pluviais municipal con achegas de augas residuais urbanas no lugar de Orro, na parroquia de Santa Cristina de Barro.
Augas de Galicia informou ao Concello de Noia da necesidade da adopción das medidas correctoras oportunas co obxectivo de emendar ese vertido.
Nunha nova visita á zona, os técnicos da Xunta verificaron, mediante analíticas, que as actuación levadas a cabo polo Concello, de selado dunha rotura na rede municipal e de
conexión coa rede de pluviais e limpeza desta última, permitiron a emenda do vertido.
