A Xunta de Galicia confirmou esta semana a concesión dos apoios orzamentarios para o desenvolvemento do Obradoiro de Emprego Tahume novena edición, a desenvolver de maneira conxunta polos Concellos de Porto do Son e Ribeira. As persoas interesadas en participar deben estar inscritas na Oficina de Emprego e manifestar alí o seu interese en participar no Obradoiro de Emprego (códigos 320, 330, 340 e 370). A selección das persoas participantes vai facerse nas próximas semanas.
A iniciativa é un programa mixto de emprego e formación dirixido a mellorar a ocupabilidade das persoas desempregadas, subvencionado pola Consellería de Promoción do Emprego e Igualdade e co-financiado polo Ministerio de Traballo e Economía Social, e, como dixemos, promovido polo Concello de Ribeira xunto co Concello de Porto do Son.
