Díxoo sen dicir o Xefe do Estado e Rei de España, don Felipe VI, co engadido “Communiter” (que engado e asumo plenamente) e que admite actualmente, por certo, o lema do movemento olímpico do marqués de Coubertin desde que no ano 2021 veu significar “máis rápido, máis alto, máis forte-xuntos”. Un lema que, con dous olímpicos no escenario do teatro Campoamor de Oviedo -o Rei e o premio Princesa de Asturias do Deporte 2023- e con varios dos galardoados na entrega dos Premios Príncipe de Asturias, tivo un gran significado nun acto transmitido a toda España pleno de chamados ao entendemento, a colaboración, a irmandade entre os pobos e, en definitiva, a deixar de padecer “un sufremento tan desgarrador” como o que, unha vez máis, se vive en Oriente Próximo. Falou tamén Felipe VI da agresión rusa a Ucraína enmarcando a mesma na “terrible e escura actualidade” en Europa e Meryl Streep daba unha lección -unha vez máis- de saber dicir, expresar e transmitir como actriz pero, sobre todo,. como muller. Eliud Kipchoge, premio dos Deportes, soubo chegar unha vez máis á meta e a Iniciativa Medicamentos para Enfermidades Desatendidas (DNDi), organización sen ánimo de lucro, chegou a toda a audiencia con algo tan duro como coñecido: a cidadanía mundial sería outra e millor se a industria farmacéutica non quixera gañar cartos a costa dos doentes.
Así foron pasando todos os premiados, deixando no ambiente un non sei que reivindicativo que Felipe VI remarcou como se o vento voara: xuntos, unidos. Non da puntada sen fío. Pregúntome que efecto causarían estas verbas pronunciadas nun acto das características do celebrado este venres en Oviedo cando, entre o lusco fusco, Cataluña falaba da choiva e o president Aragonés trasladaba a sensación, expresada o xoves nunha sesión do Xenado, de que hai que seguir a falar de amnistía e referendum pactado.
Estaremos todos no mesmo mundo?.
