O concelleiro de Deportes, Marcos Fajardo, membros da asociación Barbantia Roda e outros familiares e amigos recibiron este sábado a Arturo Piñeiro na súa chegada a Boiro logo de completar o Camiño dende Atenas a Santiago en bicicleta.
O deportista e viaxeiro boirense saíu o venres 15 de setembro cara Atenas para completar os 4.500 quilómetros ata Compostela. Durante estes case 30 días de traxecto percorreu Albania, Montenegro, Bosnia, Croacia, Eslovenia, Italia ou Francia ata alcanzar a fronteira con España e completar o percorrido en Santiago de Compostela e regresar de novo a Boiro.
