Barahúnda presentará en Rianxo “Fremosas”, a súa contribución ás cantigas de amigo e de amor

27 Outubro 2023

O vindeiro 3 de novembro vaise presentar en Rianxo o libro Fremosas. Cantigas de amigo e de amor de Barahúnda. Trátase dunha actividade abeirada á programación do Outono Cultural do Concello de Rianxo que contará coa presenza de Aurora Marco, Xesús Santos, Helena de Afonso e José Lara Gruñeiro, aos que se sumará o alcalde Julián Bustelo. O acto complementarase coas actuacións musicais de Margarita Viso Soto e Barahúnda. Celebrarase o vindeiro venres ás 20.30 horas na Sala Arcos Moldes do Auditorio de Rianxo. A entrada será de balde até completar a capacidade da sala. Será preciso retirar os convites dende unha hora antes do comezo da actuación (máximo 2 por persoa). Organizado por Barahúnda coa colaboración do Concello de Rianxo.

A obra

Fremosas. Cantigas de amigo e de amor, editado polo selo noiés Toxosoutos é o quinto traballo da agrupación Barahúnda e pretende ser, nas súa palabras, “un artefacto musical, literario e divulgativo”. Foi proxectado, na súa orixe, como un disco temático que reunise as cantigas que a agrupación creou a través dos anos, máis as que se compuxeron exclusivamente para esta, “a nosa persoal colección de lírica medieval galego-portuguesa”, explican.

Barahúnda

Barahúnda é unha agrupación madrileña afincada en Rianxo e formada por Helena de Alfonso (voz e composicións) e Jose Lara Gruñeiro (guitarras e composicións), decote acompañados de Txema Mawenya ás percusións e eventualmente doutros músicos. Centran boa parte da súa creatividade artística en reivindicar a tradición das cantigas galego-portuguesas, musicadas pola propia agrupación.

Outros artigos

Publicidade

Revista en papel

Opinión

“Juan Magán” – Xulio Xiz

“Juan Magán” – Xulio Xiz

Estes días, Merce e máis eu, mergullámonos cada día no multitudinario ambiente festeiro, disfrutamos coa venerable presencia de Celtas Cortos e ousamos asistir ao concerto de Juan Magán. Con relativo coñecemento do actual mundo musical, que navega de Camilo a India,...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.