O Concello de Porto do Son achegou co inicio de curso unha nova edición das súas Escolas Deportivas, cun programa ateigado de actividades variadas e deslocalizadas que teñen o inicio fixado para este mes de outubro. As escolas desenvolveranse en diferentes parroquias: Santa Irene no Son (predeporte, acrobacias, baile moderno, mantemento de maiores, pilates, bike, cross training e total training), Portosín (zumba, bike, pilates, atletismo e cross training), Queiruga (mantemento de maiores e pilates), Xuño (mantemento de maiores, cross training e predeporte), Caamaño (mantemento de maiores) e San Pedro (mantemento de maiores).
Unha parte relevante do programa foi concibida para achegar hábitos deportivos e saudábeis para a poboación sénior do concello, a través dos cursos de mantemento de maiores. A información sobre as actividades pode solicitarse a través de deportesdoson@gmail.com e a través do teléfono 981 76 77 58.
