O alcalde de Ribeira, Luís Pérez, o tenente de alcalde, Vicente Mariño e a concelleira de Educación e Igualdade, Cruz Rivadulla, mantiveron este martes 24 de outubro, no Consistorio, unha reunión con representantes da asociación inclusiva Amicos, con sedes principais en Ribeira e Boiro, para a posta en común de posíbeis vías de colaboración.
A organización desenvolve múltiples programas de labor social adicados a mellorar a calidade de vida das persoas en situación de vulnerabilidade. Así, o propósito desta reunión foi a de fortalecer a colaboración entre o Goberno municipal e a asociación comarcal en aras de mellorar o benestar comunitario e promover o apoio e a inclusión dos cidadáns máis vulnerábeis.
O Goberno municipal enxalzou o labor de Amicos e recoñeceu o seu compromiso coas persoas que sofren algún tipo de discapacidade. “É moi importante sensibilizar á comunidade sobre os desafíos aos que se enfrontan estas persoas; así como tamén involucrar aos cidadáns na solidariedade e inclusión social”, afirmou o alcalde Luís Pérez Barral.
