A Casa da Cultura de Portosín vai acoller clases de ioga durante o curso escolar que vén de comezar. Desenvolveranse os luns e mércores de 20.00 a 21.00 horas, e os martes e xoves de 10.30 a 11.30 horas. Serán actividades formativas de iniciación (principiantes) e tamén de nivel intermedio, aínda que, segundo avanzan dende o profesorado, as clases adaptaranse ao nivel de todas as persoas participantes.
As sesións porán o foco no ioga dinámico e o ioga de iniciación para gañar mobilidade, aumentar forza e flexibilidade, tonificar, reducir estrés e mellorar a nosa saúde. O prezo das clases será de 30 euros ao mes (dous días á semana). Podemos solicitar información a través do número de teléfono 649 084 442. Organizan Kapaki Surf & Long e Mar e Vento.
