Este domingo 29 de outubro recala na Alameda de Noia un evento participativo que pon o foco nas máis modernas vertentes dos deportes, da creatividade e da cultura entre a mocidade: o ciclo de obradoiros Cultura Urbana On Tour, unha xira itinerante de talleres e demostracións de graffiti, parkour, rap e cap paint impartidos por Vella Escola, en colaboración co Concello de Noia e promovidos pola Asociación de Familias Galegas Monomarentais (FAGAMOS). Os obradoiros están dirixidos á rapazada de entre de 8 e 16 anos e abertos a todas as familias pero con prioridade de acceso ás familias monoparentais.
En caso de choiva celebrarase no Espazo Xove de Noia.
Esta iniciativa utiliza a cultura urbana como “ferramenta para sensibilizar a cativos e cativas sobre a corresponsabilidade, a igualdade e a diversidade”, explican dende a Vella Escola.
A xira pola xeografía galega comeza este sábado 28 de outubro no concello de Negreira e o domingo 29 trasládase como dixemos a Noia. Nas vindeiras semanas de novembro pasará tamén por Lalín, Viveiro, Monforte de Lemos, Vilalba, Tomiño, Verín, Xinzo de Limia e Melide.
Máis información e inscricións na web de Fagamos.
Cultura Urbana On Tour é unha actividade desenvolvida na actuación Currunchiños de Conciliación do proxecto Facemos Corresponsabilidade 2023 no marco do Plan Corresponsables coa financiamento do Ministerio de Igualdade e a través da Secretaría Xeral da Igualdade da Xunta de Galicia. Igualdade en Galicia.
