Na mañá deste mércores, na sede da patronal de Boiro, tivo lugar a entrega de premios da campaña Volta ao Cole “Enchemos o teu peto”
En total entregáronse 1.000 € en Bonos ABE repartidos en 10 premios de 100€.
O presidente, Daniel García, foi o encargado de entregar os premios e quixo por unha parte “agradecer a alta participación dos clientes na campaña” e por outra “a confianza dos premiados no comercio de Boiro para facer as súas compras”. Así mesmo animou a “seguir participando nos próximos sorteos e rexistrando tíckets para acumular puntos e cambialos por agasallos do catálogo”
Durante o mes que durou a campaña rexistráronse 2.226 tíckets de compra. Como curiosidade indicar que o de menor importe foi un de 45 céntimos dunha compra nunha mercería e o mais alto de 1.111 dunha instalación eléctrica.
Para finalizar o presidente quixo agradecer “aos clientes que rexistraron tíckets nesta campaña tanto a súa participación como os seu compromiso cos negocios locais de Boiro” e recordou que “os premios en Bonos ABE poden utilizarse sen caducidade en calquera dos 201 negocios asociados, aos que aproveitamos para agradecer e dar a noraboa pola súa colaboración”
Premios, premiados e comercios onde se realizou a compra.
