Este mes de setembro celebraranse dous roteiros culturais e creativos en Rianxo grazas á colaboración entre a plataforma Viladomar e o Concello, ao abeira da celebración de Máis Alá dos muros.
Viladomar é unha plataforma de arte pública que ven realizando intervencións murais co festival Máis alá dos muros desde 2018. Deu comezo cun proxecto piloto presentado polas artistas locais Novenoel e Lara Torres, e impulsado por un equipo de traballo pertencente a Ondiñas Mainas, asociación cultural rianxeira que acolle gran diversidade de actividades interxeracionais e que actúa como catalizadora para contribuír a manter a cultura libre e viva en Rianxo.
O primeiro dos roteiros celebrarase o mércores 6 de setembro ás 11:00h, e o segundo o xoves 7 de setembro ás 19:30h. A través deles amosarase unha escolma de varias obras artísticas que se fixeron en Viladomar dende 2018 para coñecer máis de preto as historias que hai detrás dos murais, das artistas que as levaron a cabo e como estas se relacionan e contan anacos da propia historia de Rianxo. Nos roteiros participarán os artistas Lidia Cao, David Cuence e Alegría del Prado.
Inscricións abertas a través do formulario específico.
Calquera dúbida: turismo@avivae ou chamando ao 622322953
