Rematou o Outes Concilia de Verán polo que pasaron 300 nenos e nenas nas seis quendas nas que se dividiu o período estival. O concilia ten como finalidade facilitar a conciliación das familias e xerar unha oferta de ocio entre a rapazada.
Nesta edición leváronse a cabo diversas actividades:
+ Excursión ao Acuapark de Cerceda.
+ Obradoiros de igualdade.
+ Xornadas de Horta Clawn
+ Visita ao Nova Jump.
+ Paseo a bordo do Joaquín Vieta
+ Visita ao Espazo Museístico da Carpintería de Ribeira.
+ Excursións á Praia de Broña
+ Actividades deportivas.
+ Festas Holi e diversos obradoiros.
O concelleiro de servizos sociais, Tono Caamaño, destacou que ” apostamos por este tipo de actividades que permiten ás familias compaxinar o traballo coa rapazada”. Pola súa banda, o alcalde Manolo González, celebrou o éxito nesta edición do servizo posto eN marcha en 2020.
