O mago Teto estará este 29 de setembro en Boiro para ofrecer un novo espectáculo de maxia e música destinada ao público infantil e familiar: Rock & Magic. Será na Casa da Cultura Ramón Martínez López a partir das 20.00 horas. A función compleméntase coa música en directo de Mister Cool e Fer Risco.
Organizan o Concello de Boiro e a Deputación da Coruña.
Segundo informan dende Culturactiva, Rock & Magic é un show que mestura as dúas principais paixóns de Teto: o rock e a maxia. “Era cuestión de tempo unilas e sumar ao seu repertorio un espectáculo cargado de ilusións, ritmo, humor e moita moita moita tralla”, explican dende Culturactiva, engadindo que Rock ‘n’ Magic, dirixido por Fran Rei,” é mais que un espectáculo de maxia; é un concerto de rock and roll”.
