Adxudicada a rehabilitación e mellora da eficiencia enerxética da Casa do Concello de Ribeira

13 Setembro 2023

O Concello de Ribeira adxudicou hoxe o proxecto de Rehabilitación e mellora da eficiencia enerxética da Casa do Concello cun presuposto de licitación de 2.341.788,42 euros.
A obra pretende mellorar a eficiencia enerxética do edificio do Concello mediante a construción dunha galería de vidro perimetral, a modo dunha fachada activa de dobre pel.
A nova galería deseñouse de modo que poida ter un comportamento variable segundo as distintas estacións do ano. No inverno acumula a calor producida pola radiación solar; aproveitándoa para quentar os espazos interiores, e no verán compórtase como unha cheminea de ventilación natural, xerando unha corrente natural de aire que produce un arrefriado do mesmo.
“Temos un rol esencial que desempeñar na loita contra o cambio climático e a preservación dos recursos naturais. Por iso o proxecto de renovación do edificio do Concello é vital para reducir o noso consumo de enerxía e minimizar a pegada de carbono.” afirmou o alcalde Luís Pérez.
O proxecto está financiado con fondos procedentes do Instrumento Europeo de Recuperación e executarase nun prazo de 10 meses.

Outros artigos

Publicidade

Revista en papel

Opinión

“Eurocopa”. Xulio Xiz

“Eurocopa”. Xulio Xiz

Noto o peso dos anos, máis ca fisicamente nas continuas referencias a tempos idos. E non porque xeneralice a bondade do pasado, que moito habería que matizar, senón porque o paso do tempo me vai permitindo comparar situacións que me parecen aberrantes. O deporte –...