O Concello de Ribeira, a través da Concellería de Servizos Sociais, abriu este venres 1 de setembro o prazo de preinscrición para os distintos obradoiros que forman parte do programa de dinamización social para maiores.
Durante este mes celebraranse varios obradoiros impartidos pola psicóloga Angeles Pazos na sala de conferencias do Centro cultural Lustres Rivas, os mércores de 11:00 a 12:30 horas nas seguintes datas:
-6 de setembro: Como eludir unha conversa agresiva.
-13 de setembro: Co-dependencia e autocoidado.
-20 de setembro: Obradoiro de psicomotrocidade fina.
-27 de setembro: Obradoiro de relaxación.
Ademais destas actividades durante o mes de outubro levaranse a cabo obradoiros en tódalas parroquias coas seguintes temáticas: enriquecemento educativo, lingua e cultura galega, artes plásticas, ximnasia adaptada, competencias dixitais, taek-health e aula sociocultural para maiores.
As preinscricións poderanse realizar en Servizos Sociais, Atención Cidadá ou mediante a páxina web do Concello (ribeira.gal); cubrindo os formularios correspondentes.
