A Regata Alca inaugura dende A Pobra a tempada outonal de cruceiros

07 Setembro 2023

A V Regata Alca comeza este sábado con saída e chegada no porto da Pobra. A organización corre a cargo do Club Náutico Arousa Norte e espera unhas 18 embarcacións na liña de saída.

Aínda cos últimos flocos do verán acariñando a ría comeza a Regata Alca, que marca o inicio da tempada outonal para a clase cruceiro. Esta proba, que vai xa pola quinta edición, é a encargada de dar a saída a unha serie de regatas polo interior da ría que levarán á frota arousá ata a primavera do 2024 con diferentes regatas nos distintos clubs da ría cada dúas semanas.

Para esta primeira etapa, que terá a saída o sábado ás 14.00, a organización dividirá a frota en grupos en función da súa velocidade teórica e indicará ás embarcacións un percorrido de aproximadamente 12 millas polo interior da ría.

As opcións que baralla a organización inclúen a posibilidade de que unha das 4 probas que forman esta Regata Alca sexa realizada en formato inverso, unha modalidade pouco utilizada pero que deixa imaxes espectaculares co groso da frota cruzando a liña de chegada moi xunta.

Entre os xa rexistrados destacan os vencedores da edición anterior. O Orlando, de Gerardo Sánchez, volverá tentar levarse esta regata para as súas vitrinas despois dunha tempada espectacular onde dominou a clase cruceiro de punta a cabo. O Fixius, de Miguel Pérez-Lafuente, do RCR de Galicia que despois dun verán apartado das regatas volve para a tempada outonal e o Chispetrén do Náutico Arousa Norte, que tentará defender as cores do club organizador. Non o terán fácil ante adversarios da entidade do Cámping Ría de Arousa, o Ziralla, o Galopín e un longo etcétera de unidades dispostas a levar para o seu palmarés particular esta primeira regata da tempada.

Outros artigos

Publicidade

Revista en papel

Opinión

“Non é iso, non é iso trabúcanse”. Antón Luaces

“Non é iso, non é iso trabúcanse”. Antón Luaces

Dende o clásico "pezqueñines no, gracias" dos anos 80 do sèculo pasado, a outras campañas de corte semellante desenvolvidas polo Ministerio de Agricultura, Pesca e Alimentación, os distintos gobernos españois nunca apoiaron con convencemento ao sector pesqueiro,...