O Concello de Outes compartiu a axenda das actividades da Piscina Municipal para o curso escolar (2023-2024) que vén de dar comezo, tanto de sala como de natación.
O programa de cursos inclúe as seguintes disciplinas na modalidade de “sala”: pilates (cinco grupos en cinco horas diferentes), ioga (tres grupos), zumba (tres grupos), gap (dous grupos), step (un grupo, o mércores ás 20.00 horas) e full body (un grupo, os mércores ás 21.00 horas). Polo que se refire ás actividades de natación, haberá cursos para bebés (o sábado ás 9.45 horas), para a rapazada (iniciación, nivel medio e nivel avanzado) e para adultos (iniciación e perfeccionamento).
As inscricións xa están abertas.
Máis información na Piscina Municipal a través do teléfono 981 850 165.
