A LXII Milla Urbana Nocturna da Pobra celebrarase o 15 de setembro

07 Setembro 2023

O 15 de setembro celébrase unha das citas deportivas máis agardadas na Pobra do Caramiñal. Trátase da LXII Milla Urbana Nocturna, que abrangue das modalidades sub-6 ata a máster e para a cal se estima unha participación de preto de 300 persoas. As saídas efectuaranse a partir das 22.00 horas fronte ós Xardíns de Valle-Inclán, lugar en que tamén rematará o evento preto da medianoite.

O concelleiro dos Deportes, Eloy Sobrido, incide na importancia desta proba para a localidade e a particularidade que presenta, por se desenvolver durante a noite. Na súa intervención quixo tamén agradecer o traballo da Asociación de Atletismo e Deportes do Barbanza, por se tratar do outro organismo promotor xunto co Concello, ademais da colaboración da Protección Civil.

Doutra banda, a técnica municipal dos Deportes, Ana Romero, apuntou que se lles entregarán trofeos ás/ós tres primeiras/os clasificadas/os por categoría e medallas ás persoas que compitan na sub-6 e sub-8. Outorgaránselles tamén premios económicos ós tres mellores tempos das distintas carreiras: 150 euros ó primeiro posto, 100 ó segundo e 50 ó terceiro.

Xa está aberto o prazo das inscricións, trámite que se debe efectuar no Departamento dos Deportes, situado na Casa da Cultura e xuventude Raquel Fernández Soler, en horario de 09.30 a 14.30 horas, cos teléfonos de contacto 981831545 e 619229946.

Outros artigos

Publicidade

Revista en papel

Opinión

“Peridis en Redondela”. Alberto Barciela

“Peridis en Redondela”. Alberto Barciela

“Intentar definir el humorismo, es como pretender atravesar una mariposa, usando a manera de alfiler un poste telegráfico”. Así lo decía Enrique Jardiel Poncela, dramaturgo y novelista español, que a veces sabía muy bien lo que no quería saber. Es, diría yo, como...

“Bamos llendo acia- Vamos yendo hacia” – Manuel Domínguez

“Bamos llendo acia- Vamos yendo hacia” – Manuel Domínguez

Bamos llendo acia- Vamos yendo hacia. Hoy en día no hay razón ninguna, en absoluto para escribir de esta forma tan cruel, que hiere los ojos. Todos los bares tienen prensa gratuita, al momento de tomar un café, cuando se leen las noticias deportivas, prestar un poco...