A directora de AGADER visitou a sede de Amicos en Boiro

07 Setembro 2023

Na maña deste xoves 7 de setembro a directora xeral da Axencia Galega de Desenvolvemento
Rural (AGADER), Inés Santé, realizou unha visita institucional ao Centro de Atención Integral de Amicos en Boiro. Foi recibida por Pilar Sampedro, responsable de centros e Adriana Miguéns, usuaria de Amicos, que realizaron os labores iniciais de presentación da entidade e o seu funcionamento. Tras unha breve explicación, Santé foi guiada polas instalacións por outros membros de Amicos: Manuel Prado, residente do Fogar Amicos e Xoan España, director xeral.

Na súa estadía en Boiro puido comprobar de primeira man os servizos de apoio as persoas con discapacidade do rural, como tamén a transformación e evolución significativa das instalacións e servizos, un proceso de mellora que foi posíbel grazas á obtención financiamento de proxectos como os que AGADER impulsa (xestionados cos grupos de desenvolvemento rural, GDR).

Xoán España reivindicou que o centro é “un exemplo de sumar esforzos entre entidades privadas e públicas e así poder impulsar proxectos que teñan impacto positivo na sociedade”. O director lembrou que a Axencia Galega de Desenvolvemento Rural foi unha “aliada moi importante” na época do inicio da construción da sede en Boiro.

Entre eses desafíos de futuro, Xoán España citou máis recursos para atender as persoas con discapacidade: “Aumentar o financiamento para continuar a formar laboralmente ás persoas con
discapacidade e seguir creando emprego vinculado ao mundo rural”.

Amicos atende na actualidade a máis de 900 persoas con discapacidade en toda Galicia, a maioría das
contornas rurais. O Centro de Atención Integral, situado en Comoxo (Boiro), botou a andar no 2009. A fase de construción comezou en 2010 e foi incorporando servizos paulatinamente ata o día de hoxe. Na actualidade as instalacións de Comoxo están inmersas nunha nova transformación e ampliación de espazos onde albergarán novas aulas de formación e tamén un novo edificio, o cal contará con 28 novas prazas residenciais, todas elas en habitacións individuais. En novembro de 2017 AGADER concedeu a Amicos o Premio de Desenvolvemento Rural de Galicia.

Outros artigos

Aguiño será sede da ACT o vindeiro sábado día 20 de xullo

Hoxe déronse cita na escultura dos percebes de Aguiño, os alcaldes de Ribeira, Boiro, A Pobra do Caramiñal, a xerencia da Mancomunidade Barbanza Arousa, o patrón maior de Aguiño, edís do concello de Ribeira e a xunta directiva da ACT para presentar a proba de remo...

+

Publicidade

Revista en papel

Opinión

“Sete anos non son nada?”. Antón Luaces

“Sete anos non son nada?”. Antón Luaces

Na mencida do 24 de abril de 2017, tres mariñeiros de Poio perderon a vida nun accidente protagonizado pola embarcación de baixura Nuevo Marco. Foi na ría de Pontevedra, e sete anos máis tarde -coma se ocorrese onte- a Xunta informa que comeza a adopción de medidas...

“Hay jueces que hacen política”. Manuel Velo

“Hay jueces que hacen política”. Manuel Velo

Hay jueces y líderes del PP que al unísono acusan al legislativo y al gobierno de que no respetan la separación de poderes cuando ellos son los primeros en no hacerlo. La separación de poderes exige lo siguiente. El poder emana de la soberanía del pueblo eligiendo al...