A CEMMA organiza en Vilagarcía unha mostra e unha conferencia sobre mamíferos mariños e tartarugas (ademais dun simulacro de rescate)

14 Setembro 2023

A coordinadora galega CEMMA organiza estes días unha exposición sobre mamíferos mariños e tartarugas na costa e nos arquipélagos. Pode verse no Auditorio de Vilagarcía até o 16 de setembro, en horario de mañá e de tarde.

O contido da mostra

Galicia conta con 1500 quilómetros de costa do Noroeste da Península Ibérica. Segundo explican dende a coordinadora, o medio mariño da nosa comunidade presenta “unha gran riqueza biolóxica e biodiversidade, por mor da súa gran produción primaria, que se reflicte nun grande número de especies en todos os niveis tróficos, e, xa que logo, de grandes vertebrados como son as tartarugas e os mamíferos mariños, contando con máis de 30 especies diferentes”. Algunhas destas especies son residentes no mar de Galicia e outras fan uso desta costa na súa dispersión e migracións. Para todas elas é importante a existencia de Areas mariñas Protexidas, como as augas do Parque Nacional.

A mostra, como dixemos, está instalada no Auditorio de Vilagarcía de Arousa entre os días 5 e 16 de setembro, en horario de 10-14 h e 18-21 h. Coa colaboración do Concello de Vilagarcía.

Conferencia: o sábado 16 celebrarase unha conferencia impartida polo doutor en Bioloxía Mariña e investigador da Universidade de Aveiro: Alfredo López. Membro fundador de CEMMA, no ano 1992, e actual responsable de educación ambiental da entidade. Entrada libre.

Simulacro de rescate: o domingo 17 celebrarase unha actividade de simulacro de rescate na praia de Canelas, Sobradelo, Vilagarcía, ás 11:00 h, participación para todos os públicos con inscrición en cemmasolicitude@gmail.com. Coa colaboración coa Asociación veciñal de Sobradelo.

Outros artigos

Publicidade

Revista en papel

Opinión

“Cariño: un pequeno gran punto negro contaminante”

“Cariño: un pequeno gran punto negro contaminante”

Non se sabe con exactitude o grao de contaminación que pode provocar en Galicia unha empresa que, como Altri (en Palas de Rei, Lugo), vai utilizar o eucalipto como materia prima a partir da que extraer fibras téxtiles; máis é evidente que existe medo ao que a...

“Tiempos verbales”. Alberto Barciela

“Tiempos verbales”. Alberto Barciela

No sé en que justo momento, si es que lo hubo alguna vez, perdimos el rumbo político y el social. No identifico en qué instante se distrajeron las referencias de los valores esenciales para la convivencia, para el entendimiento, para la discusión constructiva y la...