A maiores do programa habitual de concertos, eventos e actividades culturais, a edición 2023 das Festas da Guadalupe completarase cun roteiro impulsado dende a Área de Turismo do Concello para conmemorar os 250 anos da chegada da Moreniña. Trátase dun itinerario guiado no que se explicarán acontecementos históricos como a chegada da virxe á capela de San Xosé da Floresta en Rianxiño ou como finalmente foi trasladada a imaxe á capela actual na praza de Castelao.
“Será un recorrido ameno pola vila, no que faremos lembranza da historia poñendo en marcha un roteiro polo patrimonio cultural rianxeiro”, explicaron dende o Concello, engadindo que a ruta celebrarase o martes 12 de setembro ás 10:30 h. As inscricións poden facerse en liña. Podemos solicitar máis información na conta turismo@avivae ou chamando ao 622322953.
