O Concello de Ribeira, en colaboración cos feirantes; e a través de Servizos Sociais, repartirá máis de 200 fichas para aquelas familias en situación de vulnerabilidade para o desfrute das atraccións nesta edición das Festas do Verán.
Trátase dunha iniciativa do novo equipo de Goberno que entronca con outras novidades como o servizo sen música das atraccións para nenas e nenos con TEA (espectro autista e outros trastornos) ou a posta en marcha dun punto de atención contra as violencias de xénero no Centro de Saúde.
