No marco do ciclo Música na Noite, a banda de rock galego Os John Deeres vai achegar un concerto o vindeiro venres 18 de agosto. Será ás 22.00 horas na praza de Rafael Dieste.
Os John Deeres levan 15 anos facendo rock duro en galego. O grupo estradense está composto na parte instrumental por Xermán Bernárdez, José Carbia, Marcos A. Muíños e Manuel Reices, completándose na parte vocal con Vane García.
Logo de publicar 8 (2013) e 20-20 (Free Code Jazz, 2017), Os John Deeres editan Cinzas durante a pandemia de COVID, un EP gravado no local de ensaio con distintas colaboracións e con portada do tamén estradense Alberto Cardona.
