Os empresarios de Ribeira agradecen o apoio das entidades e asistentes que fixeron posíbel a segunda edición de Gastromar

29 Agosto 2023

A Asociación de Empresarios de Ribeira fixo balance dos froitos acadados coa segunda edición do seu salón Gastromar, a feira de produtos pesqueiros e marisqueiros locais organizada esta pasada fin de semana na praza de España da cidade con gran afluencia de público e entidades.

“Foi un rotundo éxito de participación”, sinalou a entidade, que, no capítulo de agradecementos destacou o “apoio brindado por todas as persoas, foráneas ou residentes que coa súa presenza fixeron realidade a aposta da patronal por potenciar os produtos do mar que a nosa frota captura, mediante a súa posta en valor cunhas preparacións que foron presentadas na feira que acabamos de celebrar”. E engadiu a asociación: “Agradecemos aos asistentes e ás autoridades que coa súa presenza non só deron realce ao evento, senón que ademais manifestaron a súa firme intención de dar cobertura e apoio institucional para que esta feira Gastromar sexa referencia en Galicia, e unha xanela a España e ao mundo das excelencias dos nosos produtos”.

Máis concretamente, a patronal celebrou a presenza do conselleiro de Pesca, Alfonso Villares Bermúdez, o director xeral de Pesca, Antonio Basanta, o presidente de Portos de Galicia, José Antonio Alvarez Vidal, e o alcalde de Ribeira, Luís Pérez Barral. A patronal tamén fixo mención especial ao apoio brindado pola ex-conselleira do Mar, Rosa Quintana, “alma mater do nacemento e desenvolvemento desta festa”.

Igualmente, a asociación puxo en valor o apoio achegando dende a empresa Chicolino e dende todas as firmas “que participaron no desenvolvemento da nosa festa, porque foi unha festa ver as casetas do polbo cos seus viveiros que asombraron a propios e estraños que o Restaurante Tío Pepe e polbeira Pallón montaron”.

A patronal tamén enxalzou a calidade “inmellorábel” do lirio e a sardiña achegados pola Cooperativa do Mar de Ribeira, “a calidade suprema” do mexillón de OPMEGA, as navallas e ameixas e nécoras das confrarías de Aguiño e Ribeira, e “a non menos importante posta en escena dos viños cos que nos regou o padal A Caseira, asi como o apoio dos sectores do mar que nos requiriron para participar en próximas edicións”.

Outros artigos

Publicidade

Revista en papel

Opinión

“Cariño: un pequeno gran punto negro contaminante”

“Cariño: un pequeno gran punto negro contaminante”

Non se sabe con exactitude o grao de contaminación que pode provocar en Galicia unha empresa que, como Altri (en Palas de Rei, Lugo), vai utilizar o eucalipto como materia prima a partir da que extraer fibras téxtiles; máis é evidente que existe medo ao que a...

“Tiempos verbales”. Alberto Barciela

“Tiempos verbales”. Alberto Barciela

No sé en que justo momento, si es que lo hubo alguna vez, perdimos el rumbo político y el social. No identifico en qué instante se distrajeron las referencias de los valores esenciales para la convivencia, para el entendimiento, para la discusión constructiva y la...