A unidade móbil do programa Coidados Porta a Porta da Xunta estará en Ribeira os días 11, 12 e 13 de setembro; de 09:00 a 20:00 horas. Trátase, segundo lembra o Concello, dun servizo asistencial ás persoas maiores no rural para a prevención da dependencia; e ofrece servizos de podoloxía, audioloxía e estimulación da memoria.
Pódese solicitar información e cita previa a partires do día de hoxe nos teléfonos 622 748 283-623 546 992 ou ben a través do correo coidadosportaaporta.politicasocial@xunta.gal.
Os servizos que se prestarán, gratuítos e con cita previa, son os seguintes: podoloxía: consulta básica; valoración do estado xeral do pé, corte e limpeza de unllas, eliminación de durezas, callos e helomas. Tamén se achegan servizos de audioloxía (valoración e exploración funcional da audición e prevención da perda auditiva) e de estimulación da memoria (un profesional realizará unha valoración cognitiva
e proporcionará pautas para a promoción do envellecemento activo e a prevención da
dependencia mediante hábitos de vida saudábeis).
