O Concello de Boiro, a través de Turismo de Boiro, programa visitas guiadas ao Pazo de Goiáns durante o mes de agosto. O inmoble estará aberto ao público de martes a domingo e para asistir ás visitas guiadas é necesario facer reserva previa na Oficina de Turismo.
O horario de apertura das instalacións será de mércores a sábado de 11.00 a 14.00 horas e de 17.00 a 20.00 horas, os martes so en horario de tarde e os domingos so en horario de mañá. As visitas guiadas serán, dentro dese horario ás 11.15h, 12.15h, 13.15h, 17.15h, 18.15h e 19.15 horas.
As visitas teñen unha duración aproximada de 45 minutos e para asistir debe facerse a reserva das prazas na Oficina de Turismo, de xeito presencial na Casa Consistorial de Boiro ou no teléfono 981 84 26 54.
