O Concello de Ribeira vén de solicitar a Portos de Galicia o urxente arranxo da varanda do peirao de Corrubedo, arestora moi deteriorado (con importantes sinais de corrosión que achegan un claro problema de seguridade para viandantes e usuarios das instalacións portuarias). Segundo lembra o equipo de Goberno, trátase dunha situación “que a veciñanza de Corrubedo leva denunciando dende tempo atrás”.
“Enviamos fotografías a Portos de Galicia para denunciar o estado da estrutura e solicitar
que se repare o antes posíbel” afirmou o alcalde Luís Barral, lembrando que a varanda atópase oxidada na meirande parte e carece dun tramo no final do recheo, “o que supón un gran perigo polo
risco de caídas”.
A estrutura, engadiu Fernando Abraldes, edil da área de Mar, “debe cumprir con estándares específicos para garantir que sexa o suficientemente resistente para previr accidentes. É imperativo realizar melloras para garantir a seguridade de tódolos veciños e veciñas”.
