O Concello de Boiro organiza unha viaxe a Donostia (San Sebastián) para asistir ás regatas masculina e feminina que se celebran o domingo 10 de setembro. As inscricións para o autobús e aloxamento poden facerse na Oficina de Turismo de Boiro ata o vindeiro mércores 6 de setembro.
O autobús sairá o venres 8 de setembro ás 23.45 horas da Casa do Mar de Cabo de Cruz e ás 00.00 horas dende a Cachada. A chegada a Donostia está prevista ás 11.00 horas, con tempo de lecer durante o día ata as 20.00 horas que será a saída para o hotel.
O domingo 10 de agosto está previsto o almorzo no hotel entre as 7.45 e as 8.15 horas e ás 8.30 horas sairase cara á cidade vasca para presenciar a regata feminina, que comeza ás 11.00 horas e a masculina, que sairá ás 12.00 horas. A viaxe de regreso partirá ás 15.30 horas e a chegada a Boiro está prevista para as 02.00 horas.
Máis información e inscricións na Oficina de Turismo de Boiro, de xeito presencial na Casa Consistorial, a través do enderezo electrónico turismo@boiro.org ou no teléfono 981 84 26 54. A data límite de inscrición será o mércores 6 de setembro.
