O club de remo da Pobra (Club de Remo Puebla) vai organizar este sábado unha actividade para facer canteira no concello e na comarca, dirixida a rapaces e rapazas de máis de 16 anos con interese en practicar este deporte.
Así, o vindeiro sábado día 12 de agosto ás 11:00 h, o club desenvolverá unha xornada de portas abertas que permitirá á nova xeración de futuros remeiros coñecer a fondo a entidade deportivas e as súas instalacións (ximnasio, foxo, etc) e incluso participar en actividades prácticas vogando no mar.
“Son moitas as persoas que ao longo do ano se poñen en contacto con nós con interese en practicar este deporte, así que para todas elas, agora é o momento”, sinalan dende o club, lembrando que o proxecto deportivo arrinca este mesmo de setembro e que as persoas interesadas en participar na xornada deste sábado poden enviar un correo a remopuebla@gmail.com ou unha mensaxe de Whatsapp ao número de teléfono 604 812 841.
—
