O alumnado-traballador participante no Obradoiro de Emprego en Xestión Forestal Torre Goiáns II – Boiro está a recibir esta tempada formación complementaria. Nesta semana participaron nunhas xornada de empredemento e nunha visita formativa para dar continuidade e complementar a formación adquirida.
Entre as actividades desenvolvidas incluíronse unhas xornadas formativas destinadas ao alumnado do Obradoiro e tamén ás persoas usuarias do Servizo de Emprego e Desenvolvemento Local do Concello de Boiro. Estas xornadas, impartidas por Espazocoop, estiveron destinadas a sensibilizar en materia de emprendemento cooperativo.
A outra das actividades realizadas foi unha visita formativa ao Centro de Investigación Forestal de Lourizán e a Misión Biolóxica de Galicia co obxectivo de complementar a formación adquirida nas especialidades de Repoboacións Forestais e Tratamentos Silvícolas e Aproveitamentos forestais que están a realizar.
Un total de 20 persoas participan no Obradoiro de Emprego en Xestión Forestal Torre Goiáns II – Boiro, que conta co financiamento da Consellería de Promoción do Emprego e Igualdade da Xunta de Galicia para a realización de obradoiros de emprego na comunidade autónoma.
