Ao fío das 14:30 horas, o 112 Galicia era informado dun accidente en Rianxo. Tratouse dun choque entre unha moto e un coche que circulaban pola recta de Asados, a DP-7202. O motorista resultou ferido, sen embargo, o alertador indicaba ao 112 que o turismo continuara a marcha.
Decontado, desde o 112 Galicia pasouse aviso ao Servizo de Urxencias Sanitarias de Galicia-061, aos axentes de Tráfico, da Policía Local, aos Bombeiros de Boiro e aos efectivos de Protección Civil de Rianxo.
Unha vez no punto, os efectivos de Protección Civil confirmaron que o motorista foi trasladado ao Punto de Atención Continuada da localidade para, posteriormente, ser derivado ao Hospital Clínico Universitario de Santiago (CHUS).
Os Bombeiros tamén indicaron ao 112 Galicia que, tras ser evacuado o ferido, procederon coas tarefas de limpeza da vía. Debido ao impacto, quedaron líquidos espallados pola estrada procedentes da moto.
Protección Civil Rianxo
