O alcalde de Porto do Son, Luis Oujo, e máis a concelleira de Cultura, Alicia Martínez, visitaron este xoves 24 de agosto a exposición de artesanía As Cucadas de Bela, elaborada por unha creadora local de só 12 de anos de idade, Sabela, que é unha das grandes promesas artísticas do concello.
Veciñas, veciños e visitantes achegáronse estes días (dende o luns 21) ata a Casa da Cultura de Porto do Son a descubrir as creacións artesanais de As Cucadas de Bela. A mostra estará aberta até este venres.
A artista destaca pola calidade das pezas obtidas (colares, pendentes, colgadores para os móbiles ou as lentes, pinzas para o cabelo, chaveiros, aneis) con resinas epoxi, madeira e outros materiais, “para todas as idades” e “feitas a man”.
Sabela ten un Facebook propio onde mostra as súas creacións.
