Licitadas as obras de mellora da potabilizadora de Noia 

28 Agosto 2023

A conselleira de Infraestruturas e Mobilidade, Ethel Vázquez, anunciou hoxe a licitación das obras de mellora da potabilizadora de Noia, cun investimento de 1,3 M€ e o obxectivo de servir ata 24.000 habitantes. 

Vázquez Mourelle, xunto co delegado territorial da Xunta na Coruña, Gonzalo Trenor, abordou hoxe esta licitación que recolle a Plataforma de Contratos da Xunta, establecendo un prazo de presentación de ofertas que vai ata o 9 de outubro.

Sinalou que se está a traballar co obxectivo de poder adxudicar o contrato nos primeiros meses de 2024 e, a continuación, tan pronto como sexa posible, empezar a executar as obras, que teñen un prazo de execución de 6 meses.

Subliñou que a mellora da estación potabilizadora de Noia é unha necesidade que se debe atender, por razóns de capacidade, xa que foi deseñada para servir a unha poboación aproximada de 15.000 habitantes e iso hoxe é insuficiente para o municipio.

Explicou que tamén é necesaria a mellora da planta, xa que non está automatizada, carece de pretratamento previo e ten problemas no sistema eléctrico.

Para solucionar estas eivas, concretou que o proxecto deseñado vai permitir modernizar e ampliar a capacidade da potabilizadora.

A titular de Infraestruturas precisou que se procederá á instalación dun pretratamento completo, de dúas bombas somerxibles, á automatización do proceso, á execución dunha nova liña de lodos, á instalación dun bombeo de recirculación para a desinfección e á reforma do circuíto hidráulico e da instalación eléctrica.

Puxo en valor o compromiso e a implicación do Goberno galego coa xestión dos servizos da auga en Noia, porque, ademais destas obras da potabilizadora, de forma inmediata comezará a mellora da depuradora de augas residuais, cun investimento de máis de 2,3 M€. En total, dixo, a Xunta está a investir 3,6 M€ para a mellora de Infraestruturas hidráulicas neste concello.

Lembrou que os concellos teñen a responsabilidade de subministrarlle á cidadanía auga en cantidade e coa calidade suficientes e que ese deber que require dispoñer de infraestruturas precisas, especialmente importante neste contexto de cambio climático.

Remarcou que a Xunta, dadas as dificultades dos concellos nesta materia, está a prestarlles axuda para dotarse das infraestruturas que permitan blindar o abastecemento deste ben esencial.

Recordou que o Goberno galego leva investido máis de 1.100 M€ desde o ano 2009 no apoio aos municipios coa construción e mellora de infraestruturas hidráulicas.

Outros artigos

Incendio no estaleiro de ribeira na Barquiña no concello de Outes

Dotación de bombeiros do Consorcio Contra Incendios e Salvamento de A Coruña con base en Boiro e Ribeira xunto Ges de Noia e Garda Civil intervimos en incendio de Asteleiro de Ribeira na Barquiña no Concello de Outes. Ao redor das 02:37 horas rexistrouse un incendio...

+

Publicidade

Revista en papel

Opinión

“La ausencia de los eméritos”. José Castro López

“La ausencia de los eméritos”. José Castro López

Se cumplieron diez años de la coronación de Felipe VI y el aniversario se conmemorócon un acto sencillo, alejado de la grandiosidad que suele dominar la esfera pública.Al Rey le tocó reinar en el peor momento para la institución monárquica por problemasheredados de su...