Este venres 11 de agosto ás 20:30h, no Casino de Noia, terá lugar a presentación da primeira tradución ao galego da obra Contos illa de Man, de Sophia Morrison.
Será un acto para todos os públicos, con contacontos incluído.
A colección de relatos que se ofrece neste volume foi publicada orixinalmente en inglés alá polo 1911 da man de Sophia Morrison, que se preocupou de recollelos antes de que desaparecesen do imaxinario popular e mentres as verbas en manx (lingua propia de Man) aínda os enriquecían. Tempo despois, no ano 2013, Bob Carswell fixo unha reedición en engadiu outros contos que non estaban na primeira versión.
“Ese libro ilustrado por Julia Ashby, é unha pequena obra de arte”, sinalan dende a editorial Medulia, subliñando o seu afán de manter viva a cultura da illa. Inclúe a gravación de quince das historias alí escritas onde se aprecia con claridade o sabor que o inglés foi adquirindo nesa terra.
