Esta semana (dende o mércores 30 até o domingo 3 de setembro) vaise celebrar unha das grandes celebracións relixiosas e culturais da nosa comarca e da xeografía galega: as Festas de San Ramón de Bealo (Boiro), Festas de Interese Turístico de Galicia. O programa inclúe a tradicional e célebre romaría, que chega este xoves 31 á súa CCLXVII edición.
A festa comeza este mércores coa procesión desde a igrexa parroquial de San Pedro ata a capela de Santo Ramón coas imaxes dos santos do templo parroquial e prosegue ao medio coa misa cantada na honra de Santo Gregorio e pola noite, a novela e a misa en honra a Santo Ramón. Máis tarde haberá verbena con Unión y Fuerza, disco móbil Chocolate, Dj Tito Maverik e Dj Manutxo.
Ao día seguinte proseguen as celebracións coa misa cantada das 13.00 na honra de Santo Ramón, unha sesión vermú coa orquestra D´Noite, os bailes rexionais co Grupo de Gaitas Aires do Río Lanuxe (pola tarde) e, xa pola noite, misa de despedida dos romeros e verbena coas orquestras D´Noite e Os Satélites.
O venres haberá misa cantada na honra de San Roque (ás 12.30) e verbena con Trébol e Alianza.
O sábado misa cantada (ás 12.30) na honra da Virxe das Dores e pola noite verbena con América SL e Sinfonía.
O domingo misa cantada en honra á Virxe da Milagrosa (ás 11.30) e verbena coas orquestras París de Noia e Compostela.
O domingo 10 tamén haberá festa: o San Ramonciño pequeno. Haberá misa ás 12.00 na honra de Santo Ramón, degustación de polbo e viño a prezos populares pola celebración do San Ramonciño pequeno e actividades para os máis pequenos de 15.00 a 18.00 horas.
