O concelleiro de Cultura do Concello de Noia, José Pérez, inaugurou, este mércores 23 ao mediodía, as Festas de San Bartolomeu. Logo da apertura oficial dos festexos o edil deu paso á lectura do pregón a cargo da escultora noiesa Soledad Penalta. O acto foi pechado polo alcalde Santiago Freire.
Segundo lembraron, a axenda vén cargada de actividades: actuacións musicais para tódolos públicos, numerosas orquestras, espectáculos infantís, exhibicións deportivas e xogos para a rapazada inchábeis e concursos). As festas estenderanse no tempo dende o mércores 23 ata o domingo 27 de agosto. Podemos consultar no Facebook do Concello toda a programación. As actividades comezarán o mércores 23 co pregón a cargo da artista local Soledad Penalta, ás 10.00 horas dende o balcón da Casa do Concello. Pola noite haberá verbena na Alameda con New York Olympus e unha homenaxe aos Dire Straits na praza do Tapal (ás 22.00 horas e ás 22.30 horas).
O xoves volverán as verbenas con Claxon na Alameda e os concertos de tributo cunha lembranza a Michael Jackson (no Tapal ás 23.00 horas co Ben Jackson Musical). O venres comezará o día con @S Jaitas Blue, a primeiro a hora da mañá, e logos dos inchábeis e de diferentes exhibicións deportiva, chegará a quenda de Uxía Lambona e a Banda Molona (concerto para a rapazada na praza do Curro ás 20.00 horas). Máis tarde actuará Trébol na Alameda (dous pases). Ás 0.00 será a quenda dos fotos de artificio e ás 0.30 comezará o concerto de Roi Casal (no Tapal).
O sábado arrincará coas dianas e alboradas da Banda Municipal de Música de Noia e ás 18.00 celebrarase unha quedada ciclista familiar na dársena de San Lázaro (colabora CPC Toxo).
Na noite do sábado actuarán na Alameda DJ Son1c, Azúcar Moreno, Soraya e novamente DJ Son1c.
O domingo arrincará coas dianas e alboradas de Os Salgueiriños e proseguirá coa festa da empanada da praza da Constitución (a partir das 13.00 horas, organizada plo Club de Fútbol Noia). noite actuarán o gaiteiro Budiño e a Orquestra París de Noia.
