Este sábado 19 de agosto toca pedalear. De feito, a Comunidade de Montes de Baroña convídanos a unha biciquedada para desfrutar en familia e entre amigos dunha xornada de mobilidade saudábel, deportiva e respectuosa co medio natural. A quedada ciclista comezará ás 10.00 horas no Curro da Enxa, e dende alí os participantes dirixiranse até os Chans da Raña. Haberá unha modalidade para os máis pequenos (circuíto para a rapazada) e unha ruta para maiores (percorrido longo). O programa tamén inclúe unha comida campestre de fraternidade, un mini-circuíto BTT e xogos populares. As persoas interesadas en acudir deberán formalizar a súa inscrición a través do teléfono 679 156 855.
