Un ano mais a Confraría de Carreira e Aguiño organizou a tradicional feira gastronómica declarada de Interese Turístico Galego, na que se despacharon case 1.000 quilogramos de percebe.
-ao que tamén asistiron a directora xeral de Desenvolvemento Pesqueiro, Susana Rodríguez, e o presidente de Portos de Galicia, José Antonio Álvarez-
Os homenaxeados este año como Percebeiros de Honra foron o ex-alcalde Manuel Ruiz e o activista humanitario local Rubén Lijó. Ao evento acudiu o conselleiro do Mar, Alfonso Villares, así como tamén
José Antonio Álvarez, presidente de Portos. Tamén acudiron o alcalde e o tenente alcalde, Luís Pérez Barral e Vicente Mariño. O rexedor dixo que “é necesario poñer en valor un sector que é máis que unha actividade económica que xera miles de postos de traballo, senón que tamén forma parte da esencia de Galiza”. E engadiu: “Quero mandarlle toda a miña gratitude a tódolos percebeiros e percebeiras que co seu labor contribúen a enriquecer a nosa cultura, as nosas mesas e o noso amor polo mar”.
Pola súa banda, o conselleiro do Mar, Alfonso Villares, salientou a importancia de citas gastronómicas como a Festa do Percebe de Aguiño para “enxalzar o traballo dos profesionais da pesca e dar a coñecer en todo o mundo a calidade dos produtos do mar de Galicia”. Neste sentido, destacou “a relevancia dunha cita que chega este ano á súa XXIV edición tras ser declarada o ano pasado como Festa de Interese Turístico Galego polo Consello da Xunta”. O titular de Mar recoñeceu durante este evento o traballo da confraría de pescadores de Aguiño-Carreira e o arriscado labor dos percebeiros, gabando a excelencia e calidade do crustáceo que colleitan. Tamén tivo mencións especiais para os dous Percebeiros de Honra desta edición: Manuel Ruiz Rivas, que foi alcalde da localidade durante 12 anos e agora senador, polo seu apoio ao sector do mar e á festa gastronómica por excelencia de Ribeira; e Rubén Lijó, que durante 15 anos foi rescatador no helicóptero Pesca 1 de Gardacostas de Galicia.
