Este mércores 30 de agosto a agrupación circense Collectif Primavez vai achegar en Boiro un espectáculo infantil e familiar. Trátase de Laisse Moi. Será a carón da Casa da Cultura de Boiro (na avenida da Constitución) a partir das 20.30 horas.
Nesta función, a compañía francesa Collectif Primavez achega unha proposta innovadora de expresión corporal e movemento na que repasan sentimentos e sensacións entre os dous protagonistas.
Unha montaxe na que unha parte do público ten un papel fundamental xa que sustenta os mastros chineses que forman parte da escenografía do espectáculo.
