O alumnado da Aula Sostible do Freixo será novamente (un ano máis) o encargado de confeccionar os agasallos que recibirán os asistentes á Mostra Mares da Fin do Mundo, festival de cinema marítimo e mariñeiro organizado polo Concello de Outes e patrocinado pola Deputación de Coruña e a Xunta de Galicia, Os devanditos agasallos consistirán nuns chaveiros elaborados con plásticos procedentes de diversas campañas de concienciación de reciclaxe e de limpeza de praias. Nesta edición, os chaveiros virán acompañados dun código QR que amosará ás persoas destinatarias dos presentes o proceso de fabricación e diversas curiosidades en torno ao material empregado na súa confección.
Este proxecto da Aula do Freixo foi recentemente galardoado polo Ministerio de Agricultura, Pesca y Alimentación de España, e é unha iniciativa colaborativa na que diversas entidades de inclusión social da contorna do Concello de Outes traballan para redución de residuos plásticos e na integración social de persoas con diversidade funcional.
A Asociación Misela, Adisbismur e A Creba Saúde Mental, coordinadas pola Asociación de Mulleres do Sector Pesqueiro SEO Fisterra-Ría de Muros Noia e o GALP Costa Sostible, extraen refugallos das praias e danlles unha nova vida transformándoos en lámpadas, chaveiros, agullas, perchas, macetas, mosquetóns e moito máis.
Por certo que a nova edición da Mostra Martes da Fin do Mundo celebrarase este ano do 1 ao 5 de novembro.
