O chiringuito de madeira “O Chiri” que está situado nas inmediacións do campo de fútbol da Tasca, na praia de O Robalo de Aguiño, quedou totalmente calcinado a pasada madrugada.
Por fortuna, ninguén resultou ferido como consecuencia deste lume, que botou a perder completamente as instalacións dun bar da Praia de Aguiño, en Ribeira.
Foi unha persoa particular quen alertou mediante unha chamada ao 112 Galicia preto das 5:30 horas desta madrugada.
Para facer fronte ao incendio, desde o 112 Galicia informouse ao Bombeiros de Ribeira e Boiro, así como aos membros do grupo local de emerxencias. Tamén se avisou ás autoridades municipais e aos axentes da Policía Local e Nacional.
Tras case tres horas de traballo, os efectivos de extinción lograron apagar o lume, aínda que con graves consecuencias para a estrutura, pois quedou completamente calcinada.
