Protección Civil e Emerxencias do Concello de Boiro recibe unha scooter da Deputación da Coruña

12 Xullo 2023

O Concello de Boiro recibiu unha scooter para o servizo de Protección Civil e Emerxencias no marco das subvencións dirixidas ás agrupacións, asociacións e asociacións de agrupacións de voluntarios de Protección Civil da provincia da Coruña. O alcalde, José Ramón Romero, e o coordinador do servizo, Ignacio Pérez, recolleron este mércores 12 de xullo o vehículo no parque móbil da Deputación da Coruña.

O obxectivo desta adquisición é “incorporar material que facilite as tarefas do servizo de Protección Civil e Emerxencias tales como a atención en accidentes ou emerxencias de calquera tipo, así como a colaboración e apoio en materia de seguridade en probas e outros eventos”, explicaron, engadindo que esta liña de subvencións da Deputación da Coruña ten como obxecto a adquisición de equipamentos de emerxencias para as asociacións de voluntarios de Protección Civil como son bicicletas, scooters ou equipos de comunicacións.

O servizo de Protección Civil e Emerxencias do Concello de Boiro conta na actualidade cunha vintena de voluntarios que atenden todo tipo de emerxencias producidas no termo municipal, así como colaboracións en dispositivos de outros Concellos para eventos e actividades deportivas ou festexos, incidencias solicitadas pola CIAE 112 ou as forzas e corpos de seguridade tales como poden ser incendios, accidentes de tráfico, busca de desaparecidos…

Outros artigos

Publicidade

Revista en papel

Opinión

“La Confianza” – José Antonio Constenla

“La Confianza” – José Antonio Constenla

En la actualidad atravesando una crisis de confianza, con mil explicaciones, pero ninguna sencilla ni clara, que dificulta la comprensión del mundo en el que vivimos. Un efecto de estos es que los discursos no sintonizan con la realidad en la que estamos inmersos....