As súas Maxestades os Reyes de España presidiron a cerimonia de entrega das bolsas de posgraduado no estranxeiro da Fundación “a Caixa”, outorgadas a un centenar de universitarios seleccionados na convocatoria de 2022. Trátase da 41.ª edición do programa de Bolsas da entidade, que ten por obxectivo o fomento do talento dos estudantes máis sobresalientes mediante a ampliación da súa formación nalgunhas das mellores universidades do mundo.
Casa Real
Dous estudantes da Pobra foron distinguidos coas becas da Fundación la Caixa para ampliar a súa formación no estranxeiro. Iván Tubío Sanlés e Esther Calviño Sanlés participaron no acto que estivo presidido polos reis de España, e no que tamén asistiron outros 98 estudantes cun brillante expediente académico.
Esther Calviño estudou na Universidade da Coruña e coa bolsa realizará un máster en Bioloxía Química na Universidade de Xenebra, mentres que Iván Tubío estudou o dobre grao en Estudos Internacionais e Ciencias Políticas na Universidade Carlos III de Madrid, e na actualidade cursa o MPhil in Comparative Gobernment na Universidade de Oxford.
Ambos os estudantes realizaron os seus estudos de secundaria e bacharelato no IES da Pobra, convertendo a este centro no instituto público con máis representación na entrega das bolsas da Fundación a Caixa.
Os reis entregan a beca á pobrense Esther Calviño, Remitida
